Nëse markat e regjistruara nuk përdoren seriozisht, ato mund të skadojnë. Këtë e tregon edhe një vendim i gjykatës së Bashkimit Europian (EuG) më 8 qershor 2022 (Az.: T-26/21, T-27/21, T-28/21).
Markat përbëjnë një vlerë të lartë. Prandaj është edhe më e rëndësishme t’i regjistrosh dhe t’i mbrosh ato. Por, mbrojtja e markës mund të humbasë nëse pronari nuk e përdor markën, shpjegon firma e avokatëve për çështje ekonomike MTR Rechtsanwälte.
Se mbrojtja e markës humbet me mos përdorimin e saj, e përjetoi dhe një korporatë e madhe teknologjike në EuG. Kompania kishte regjistruar një shenjë fjale si markë të Bashkimit Europian për disa produkte kompjuterike ndërmjet viteve 1997 dhe 2005.
Në vitin 2016 një konkurrent parashtroi në tre raste kërkesa për skadimin e markave të regjistruara në zyrën e Bashkimit Europian (EUIPO). Ai i bazoi kërkesat duke thënë se marka për vitet përkatëse brenda një periudhe të pandërprerë prej pesë vitesh – ndërmjet 2011 dhe 2016 – nuk ishte përdorur seriozisht. Më pas, EUIPO deklaroi se marka kishte skaduar.
Kundër kësaj masë, pronari origjinal i markës u mbrojt dhe paraqiti padi në EuG. Kompania argumentoi se EUIPO, në vlerësimin e përdorimit serioz të markës, nuk kishte marrë parasysh nivelin e lartë të vëmendjes së publikcieve përkatëse. Këtë kompania e përpiqej ta provonte edhe me shifrat e shitjeve.
Pa sukses. Sipas EuG, kompania nuk ka treguar se marka për mallrat përkatëse u përdor seriozisht në periudhën ndërmjet 2011 dhe 2016. Ndërsa kompania kishte paraqitur për shembull artikuj në shtyp, që dëshmonin suksesin e fushatës reklamuese me markën verbale. Gjithsesi, këto artikuj ishin më të vjetër dhe jo interesante për periudhën përkatëse.
Vendimi tregon, se pronarët e markave duhet të dëshmojnë se e përdorin një markë, me qëllim që ajo të mbetet e mbrojtur më tej. Për mbrojtjen e markës nuk mjafton të regjistrosh një markë, ajo duhet të përdoret edhe seriozisht. Sipas jurisprudencës së BGH, barra e provës për këtë i qëndron pronarit të markës.
Avokatët e përvojës në të drejtën e markave mund të këshillojnë.
